(。・ω・)ノ用清文 ★ Sept - Nov 2014 ❤・゚

下午1:30

原來我上一次寫用清文,已經係年頭的事,
希望以後都可以每隔一排就出一篇文講下啦!

九月的時候,我去了台灣一個月,
以下係我出發前我已經用清的產品,全為試用品~

TefuTefu  蜂毒深層潔面啫喱100ml (左一)
我記得收到呢支產品已經係11月,而我習慣夏天才會用潔面jelly,

所以當時用了幾次都覺得不合用,結果放埋一邊!
到夏天再用時就好好好鐘意了!好爽又唔乾!
試用文:(。・ω・)ノ締造立體V輪廓 x TefuTefu™蜂毒V面派 ★・゚

Heynature(左二)
某年某月得到的試用品,夜晚用會有5大功效,
洗面落妝帶氧面膜等等,落妝效果單靠佢就麻麻地的,其他也都做到~
我自己就喜歡日間用,一個星期都有一兩日訓唔醒就會用下,
用完面仔紅粉菲菲,感覺很好,反而夜晚就好少用了~ 
試用文:  一物五用的泡泡潔面Mask -- Heynature O2面膜潔臉乳

Amour Organique  (左三) 
呢支野是2014初夏的至愛,玫瑰香味好真,而且舒緩效果很明顯,
未接觸甲殼素水之前,肌膚咩冬瓜豆腐都係用佢,
所以我兩個月內已經用光光了! 
試用文: 。。❤ 自然 ✿ 有機 ✿ 愛 ✿Amour Organique ❤。。

Cellbone Mandelic skin refresher (右三)
其中一件好後侮去台灣無帶埋去的產品!
在那兒天氣不服,狂出粒粒,第一個想起的就是它!
因為出發時只剩下1/4支,最後無帶到去,D印而家都唔知點算好
遲d會出返試用文

Medicox Serum (最右兩支)
上次去完康和堂的event,拎左三支產品返屋企,
除了彩虹水我覺得用完好似有層膜,不太喜歡個質地,
其他呢兩個都係快速地用完,好快吸收,而且做完laser 用降紅一流,
用得咁快就知幾喜歡啦~不過售價都幾貴,回購要想想了
試用文:*:₀。 康和堂15週年 @ 極緻。奢華。美肌約會。₀:*゚



每個女生,屋企都總有的Sample 山,
以下,我記得就講,因為時代久遠矣!

BB  laboratories 胎盤保濕精華 5ml (橙色瓶子)
這是上次去Medilase 試做療程之後的贈品,保濕效果有的,只是並不便宜
如果,以價錢效果來說,我覺得市面有其他相似的產品

it's skin (實心白色瓶,replacement)
呢個貨應該是下架了,我覺得去紋效果都幾明顯,同系列仲有eye cream 的,
年頭時在 G Market Brand Discount 時入手的(50% off),
維起港紙只是百多元,仲要每盒附送一支replacement,
用過覺得好,想再買時已發現下架了.....嗚嗚.....

Institute Esthederm 保濕噴霧 (銀色瓶子)
是某年某月的試用品,Kawai 的 Office 有很多保濕噴霧,
保濕效果不錯的,亦喜歡它是壓縮的瓶子,只是我有很多很多類似的東西

Enita 生薑檸檬2合1滋潤沐浴乳 (購物贈品)
佢係白色Cream 狀的沐浴乳,比一般的沐浴乳滋潤,不會有很多泡泡,
幾喜歡佢個味道,檸茶味很特別~

專科Perfect Whip (贈品)
在台灣的日子,每天也見到人家在屈銀大量入貨,在台灣掃日貨,笑了
洗面幾乾淨的,泡泡也夠多,作為洗面乳已經做到它的功效,台灣買價錢更抵玩....

10月份由台灣回來後,肌膚乾到爆,立即換左一堆護膚品,左起

Cellbone Mandelic skin refresher (試用品)
前文提要,我去到台灣不停爆瘡時就想起它了,極度後悔無帶去,
所以回來之後再用多一支,加埋同系列的精華一齊用,
每次用完都會見到non stop 的出粉刺,遲d會出一個詳細的試用文!

Lacome (小黑瓶,自購)
年頭時Loreal Group 開倉,朋友幫忙平價入手,
是第一代的GÉNIFIQUE (不是第二代)

很快吸收,皮膚極乾,用幾多吸幾多,見無敏感我又放心狂用,
結果一個月左右用完一支30ml

Petit Bonheur Brightening Essence (藍色,試用品)
台灣回來後才收到的試用品,
同上面小黑瓶同一日開,都是用幾多吸幾多,見無敏感我又狂用,
瓶身寫半年要用完,我自己就一個月多少少用完! 
用完一支好似白淨左少少,斑就差不多,始終佢都是亮白不是淡斑的產品,
折實百幾蚊,屬抵玩之選
試用文: o゚☆。 溫和保濕提亮 ♥ Petit Bonheur Brightening Essence ☆。o゚。

Curel  輕透清爽防曬乳液 SPF30 PA++
帶了四支防曬過宜蘭,日日36度以上,呢支係其中一支我有拎返黎,
我係曬黑左少少,因為對上一支出事,發現時已立即停轉用另外的(就是這支),
之後已經無再曬傷,呢支好似有少少火酒味,就咁用會有少少泛白,防曬功效不錯的!

Mernad 曇花精華晚霜 (自購物後贈品)
夏天時夜晚會用的晚霜,質地都幾好推,很喜歡呢個香味,
未去台灣前,我那時是混合肌滋潤度剛剛好,但回來乾爆了就不夠力了

Clarins Cleansing Milk With Alpine Herbs(自購)
Clarins Cleansing Milk 已經不知用了幾多瓶,
個人落妝不二之選,喜歡它比較清爽,上年聖誕節買,用到今年就剛剛好!
曾經多次手痕買左別家的落妝油,用完都一定出粒粒,所以我都係決定唔轉了~

牛爾老師 NARUKO 玫瑰雪耳晚安凍膜 (自購)
睡眠面膜用了很多品牌,最得我歡心就是tefutefu 同埋牛爾老師出品!
唔笠同埋訓醒真係會睇到明顯的改善,抵玩之選
一開盒真係聞都雪耳味,不過而家好似下左架,只有玫瑰味而已 (我都試用緊)


元基 洗面乳 (自購)
呢支洗面乳係有Toner 同精華跟的,是上年聖誕節買的!
精華老早就用完了,認識呢個品牌是因為一次試做療程,療程就係用呢個Brand 的產品,
做用Treatment 後好喜歡呢套產品,縱使屋企有十萬支toner,洗面也還是要買回去
用完呢套我應該會再買......
上列用清產品,均已列明獲得渠道 (試用,贈品,自購),並連結到相關文章,
如需更多資料,可連絡有關品牌,謝謝




For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

You Might Also Like

0 意見

Like Me Facebook