(。・ω・)ノ 超吸睛 ♥ 中大平靚正 ♥ Coffee Corner ♥

下午1:30

今日介紹的真係中大頹Can出品,仲要日光日白鬼影都無隻!

事緣,Kawai 下月要去中大搞 Event,主辦單位表示自己揀場地會比較好,同埋聲稱有好野益(仲要講無咩人知o既)。其實,我年前都返過中大,記得最好嗰餐就係和聲Cafe,我唔係細路你都呃,好變態!如果佢帶我去Med Can,我會一腳踢佢落火車站...... 
(P.S. Staff強調無咩人知,而Med Can的檸檬批實在太出名)

搞完一輪,吹到頭甩終於KO,終於公佈是什麼,飲咖啡仲要上返山,OMG!

穿過Canteen,入面鬼影都無,真係頹成咁?原來主角係敬文書院Canteen門口嘅 coffee corner~木頭車的設計,旁邊有幾張Coffee Table,有幾位同學飲緊Coffee。望到啲拉花同Tray都好X靚!夢幻到不得了!


咁學生價唔會貴,如果你想要有圖案拉花,就要揀畫出彩虹的Latte系列,細杯價錢由18元起,大杯都只是24元而已。而咖啡畫花同Tray都係咖啡哥哥隨心揀的,如果無位都可以坐入Canteen飲的。

我要左杯 Rose Latte (小Size $19),咖啡哥哥拉左靚桃花圖案俾我🌸🌸。o個日係情人節,哥哥仲同我講左句情人節快樂。至於Latte的味道確實唔差,不過佢係用玫瑰糖漿,飲到最底必然地甜左少少啦。

托盤仲要個個唔同的,Kawai 見到有D仲會有上鏈的音樂盒,聽住音樂嘆咖啡真係幾舒服架!

仲叫左個Donut ($12)
自從被餵食左 Buttery Factory嘅冬甩後,鐘意左食冬甩。呢度嘅口感同味道都同佢幾相似,唔會太甜,口感鬆軟,因為係最後一個,想買多一個都無。咖啡哥哥仲用支雪條棍叉住,好似波板糖方便食用。

咖啡哥哥表示是上年九月開業,敬文書院地點上比較偏僻,至今都不是太多本校生知道佢o既存在。如果你身邊有朋友是中大校友而說不知道是應該的,因為新同埋都幾隱世呢,哈!
唔覺意學左新假期D Topic!Sorsor!

Coffee Corner資料
Coffee Lover Cafe
香港中文大學敬文書院地下門口  (坐3或4號線校巴可以到達門口)
注意:星期日休息,星期一至六營業至6pm




For Collaboration and Invitation,

Please send to : littlecatt@gmail.com

You Might Also Like

0 意見

Like Me Facebook