~✿ 元朗”8”年鐵板小店 ♥ 鐵皇日式鐵板燒 ✿~

上午1:30

家住新界西的Kawai,成日都覺得屯門無啖好食。不過,好彩叫做元朗o係附近,搭幾個站就有得食都未至於會餓死!平時入元朗都係食Omakase同拉麵最多,今次卻同朋友來這吃鐵板燒。嗯!呢間餐廳我成日都經過,睇門外裝修都應該有返一段時日,但,我都是這天才知賣的是日式鐵板燒,果然,已經8周年了。。。。。。。。

鐵皇日式鐵板燒 

成個門面有大量已發黃的剪報,看來是少做宣傳的小店吧。云云當中最令我留意的是以下這張紙,主廚KEN師傅曾在千登世松菱等有名的鐵板燒熱店工作,經驗足以令人我期待。
打開門,小店只有12個位圍住鐵板坐。環境唔算大,都叫坐得舒適,食鐵板燒食材是重要,但最重要的一環是客人可以近距離欣賞師傅不慌不忙的功架。

泰國大虎蝦
真係超巨型!!隻隻都近乎手臂的長度,睇住師傅係鐵板上面快如閃電咁就輕易劏開咗隻大蝦, 仲去殼去腸,加秘製牛油再蓋住,一開蓋濃濃的香草味湧出,令人食指大動!~

大大隻蝦肉夠彈牙又鮮甜,加上自家製香草牛油汁更添惹味,火喉控制得宜,食得出的肥美,成件事不得了!

至於多食會膽固醇超標的蝦頭,就要燒多一陣,外殼燒到脆卜卜,咬下發現羔量驚人,不能放棄但又夠邪惡。

加拿大A級桂花蚌
桂花蚌又係成隻手臂咁長,已劏好及清洗好,白雪雪的外觀就是吸引。薄身的桂花蚌好快就煎熟, 金黃色包裹著白色的蚌肉,口感嫩滑帶點爽口,雖然加了醬汁,但都食到海鮮獨有的鮮甜。

鐵板火焰酒煮蜆
師傅拎左四個用錫紙摺成的兜,入面放著已吐沙的蜆,之後在我們面前將成枝清酒倒進錫紙兜中,再即場點火令酒精揮法,火光熊熊下大家都立即起身影相。同平時食到酒煮蛻最大分別係,蜆肉充滿酒香但唔會有酒精的苦澀味,而且蜆肉好肥美,份量唔多但食得滿足!

美國牛肉薄燒
選用美國prime牛肉,舖滿雪花的生牛肉令人垂涎三尺。師傅好快手在牛肉上放上蔥蒜再捲起來,因為牛肉薄身太快又會太生,這下是要看師傅的技術了,而我地食到的都係剛剛好,入面都仲係粉嫩的Pink Pink 色,牛油脂在口中溶化,加上脆口蒜粒和蔥花,更添香口!

孜然羊肉炒飯
羊肉炒飯係鐵板燒料理中並不常見,因為好多人怕羊肉羶味,師傅用孜然粉令到味道更香濃,啖啖都食到羊肉獨特既香味,飯炒得乾身不油,不過整體上口味就有點重,所以自己覺得麻麻啦。

睇返價錢都唔算太貴,如果有十個人以上包場,飲飲食食都不錯!
但,提提大家,店家只收現金或EPS,信用卡係唔收架。
鐵皇日式鐵板燒 
元朗鳳攸北街1號地下


For Collaboration and Invitation,

Please send to : littlecatt@gmail.com

You Might Also Like

0 意見

Like Me Facebook