Kawai 已完成在 Vegas 360 頭三次 Spectra 納米激光全面去斑療程，隨著甩焦後色斑問題已經明顯改善了好多。激光去斑分享：激光去斑小總結✲ Spectra 納米激光全面去斑療程
♥ 視覺年輕術 ✿ Spectra 納秒激光 ✿VEGAS 360 ♥

十年一次打斑，許勝不許敗，這三次療程我都有換走部份的護膚品，一次過換晒，其實鬼知
邊件好，本來打算逢二進一（每打兩次激光就出一篇文），但八月太累，搞到而家多圖多字，因為產品不涉及試用，也沒有太遲這回事。

激光去斑需要相隔三星期時間，所以我依然會繼續呢個系列～
估計仲會有十次，各大sponsor，如果文唔趕的又有好東西的話可以聯絡我啊。

我會由第一次激光療程開始講起，一直寫到最近的一次。

Doctor Collection Plus 24hours IPL protection cream
呢盒Cream係上次出席 RX Medical Group 發佈會的 Door Gift，一共有三盒產品的，
我收到的時候係未開始打斑，但見到個產品名，應該是激光療程後用的，所以就決定第一次做完激光之後就用，打開左有點點後悔，因為質地不是我喜歡的，好像白膠漿笠笠的，但因為開左，加上很久無做光學療程，當日皮膚有點熱同乾，好神奇的，用完立即去紅退熱，明顯Calm Down了，快速！唔計質地的話，絕對好東西，另外它是日霜但無寫防曬度！
防曬係基本功步驟，不可以信晒日霜吧～～

另外，Door Gift 仲有支透明質酸都不錯，不笠身夏天初秋用都不錯，冬天就應該不夠，我用了兩次個泵已經壞了，有講過但佢話唔會咁化學無換到，可能我真的是傳說中的暗黑破壞王吧～～

第二次激光療程前，好乖先打好底，所以只有少少紅已經無熱的感覺，今次我換走左平時用的精華，呢支係我在八月中去DK Aromatherapy 20周年 Party 拎返來的為我個人調配的護膚精華。其實我大半年前已經有買她們的產品：敗家試用誌 ✿ 香薰寶藏 ✿ DK Aromatherapy 

活動當日係有香薰治療師幫來賓調配的，會先做皮膚分析再揀功效香味。好Pro！
每款護膚油最多可以加兩至三款的精油，太多反而不好。　

當日睇到自己皮膚年齡是25歲時，差啲叫咗出嚟！
講真已高齡來說，皮膚都算係咁，食得好生活簡單少找麻煩，問題自然少。

當日我有提及在做激光去斑療程中，所以香薰治療師用的精油都是有保濕及降溫的功效。
成份：Rosehip Oil＋ Rose Maroc＋ Palmorosa
佢質地係比較似平時用的精華油比較厚身，淺黃色味道都幾清新（玫瑰系），初用覺得降紅好快，用完有層薄薄的保護感覺，令皮膚不易流失水份。不過有兩次手痕補搽左B5，竟然出粒粒，反而單用加面霜就沒事（真係好霸道），不過亦明白一支為你度身而做的精華，再用其他反而是多餘的負擔。

最後呢就係呢個Mask 我之前都寫過文，第一次用皮膚無病無痛，自然是覺得又貴又廢，
第三次打斑我係打左十幾粒，成塊面花晒的樣子。想起家中有一盒就連敷一星期睇下點！



含24K納米金 NANO GOLD (10PPM)，地中海天然海棉膠原蛋白 (20,000PPM)

面膜裁位雖不多，但都幾貼服，基本上我的面有九成都可以覆蓋到，算是不錯吧！
同一般生物纖維面膜一樣，用完會明顯薄左！個樣有點 Kai！好好笑！

第三次打斑的的時候，集中打中間同大粒的斑斑，返到屋企覺得皮膚好似薄皮咗，而且將會結焦的部分都有凹凸不平，美容師叫我要至少連敷三日面膜，呢塊面膜不是超多精華，但用完見到所有紅，凹凸不平都好返晒。好得！

用多兩日，紅同凹凸不平都好返晒，為姐送左一片俾妹妹，妹妹都話好好用。買定返屋企睇門口，皮膚有啲咩風吹草動呢就來係一塊頂住。

最後是唯一一個係涉及試用，是之前 LoveSkinShop 送俾我o既產品。羊胎素用完了，美白精華仲有少量，如果你決定打斑或一些高能量的光學療程，打好過底有你著數。
♥ 去雀斑大作戰 一個月後 ✿ 產品篇 ✿ Love.Skin Shop ♥

以上都是我的分享，希望可以俾到參考大家，仲有十次希望再找到更好的再分享～

Love.Skin Shop Facebook Link
INGLEMIREPHARM'S Facebook /官方網頁 / Instagram
Vegas 360 官方網頁 Facebook Page
DK Aromatherapy 官方網頁 /Facebook/Instagram
24K LUMISTAR 黃金面膜  Facebook / 官方網頁